Zëvendësministri dhe aktivisti i LVV-së, Hysni Mehani, ka reaguar me tone të ashpra pas zhvillimeve të fundit në Skenderaj.
Përmes një deklarate publike, Mehani ka akuzuar për sulm ndaj institucioneve shtetërore, duke thënë se “e morën peng stacionin e policisë dhe mandej shkuan për të respektuar shtetin”.
Ai theksoi se nuk do të ketë tërheqje në kërkesën për drejtësi dhe trajtim të barabartë për të gjithë qytetarët.
“E morren peng stacionin e policisë dhe mandej shkuan për të respektuar shtetin. Nuk do të ndalemi për drejtësi të barabartë për të gjithë. Deri në frymën e fundit”, ka shkruar Mehani.
Reagimi i tij vjen në kohën kur tensionet politike dhe përplasjet në Skenderaj kanë nxitur reagime të shumta në skenën politike në Kosovë.