Cdo investitor serioz q\u00eb interesohet p\u00ebr Zv\u00ebrnecin, Karaburunin apo zon\u00ebn e Ujit t\u00eb Ftojt\u00eb, duhet t\u00eb negocioj\u00eb m\u00eb par\u00eb me nj\u00eb faktor lokal, mandej me qeverin\u00eb shqiptare<\/p>\n
B\u00ebhet fjal\u00eb p\u00ebr Artur Shehun, 58 vje\u00e7, nj\u00eb personazh q\u00eb \u00ebsht\u00eb b\u00ebr\u00eb pronar i qindra hektar\u00eb prona n\u00eb Zv\u00ebrnec, Karaburun dhe zonave m\u00eb t\u00eb lakmueshme t\u00eb Vlor\u00ebs, t\u00eb cilat marrin nj\u00eb r\u00ebnd\u00ebsi dhe vler\u00eb marramend\u00ebse me hapjen e aeroportit.<\/p>\n
Emisar\u00ebt e Artur Shehut p\u00ebr t\u00eb \u2018futur n\u00eb dor\u00eb\u2019 Zv\u00ebrnecin dhe zona t\u00eb tjera fillimisht dyshohet se ishte P\u00ebllumb Petriti, i d\u00ebnuar t\u00eb pakt\u00ebn 3 her\u00eb p\u00ebr p\u00ebrvet\u00ebsimin me letra false t\u00eb mbi 800 hektar\u00eb toka n\u00eb Karaburun dhe Zv\u00ebrnec, m\u00eb pas Kreshnik Telelena, i cili ka dal\u00eb pronar i pyllit, r\u00ebr\u00ebs dhe detit n\u00eb Zv\u00ebrnec dhe vitet e fundit Leonard Bishaj (lidhje e klanit mafioz \u201cSacra Corona Unita\u201d).<\/p>\n
Disa artikuj dhe investigime mediatike e p\u00ebrshkruajn\u00eb Artur Shehun si mafiozin m\u00eb t\u00eb madh t\u00eb Vlor\u00ebs me veprimtari 30-vje\u00e7are, aktiv edhe sot, me 5 emra, q\u00eb jeton prej 23 vitesh n\u00eb Florida t\u00eb SHBA nga ku komandon aktivitetin n\u00eb Vlor\u00eb, si bos droge dhe kazinosh, si p\u00ebrfaq\u00ebsues i mafies italiane \u201cSacra Corona Unita\u201d n\u00eb Vlor\u00eb, bos t\u00eb mafies s\u00eb pronave etj.<\/p>\n
Por, n\u00eb fakt ndaj Artur Shehut nuk ka asnj\u00eb akuz\u00eb p\u00ebr ndonj\u00eb vep\u00ebr penale.<\/p>\n
Megjithat\u00eb, disa fakte t\u00eb tjera tregojn\u00eb p\u00ebr lidhjet dhe fuqin\u00eb e ndikimit t\u00eb Artur Shehut deri n\u00eb kupol\u00ebn e qeveris\u00eb.<\/p>\n
Shehu \u00ebsht\u00eb biznesmeni i par\u00eb q\u00eb do t\u00eb shtrij\u00eb nd\u00ebrtimin e nj\u00eb resorti n\u00eb det, n\u00eb Lungomaren e Vlor\u00ebs, pran\u00eb Ujit t\u00eb Ftoht\u00eb dhe vil\u00ebs s\u00eb famshme qeveritare.Vendimi \u00ebsht\u00eb firmosur nga vet\u00eb Edi Rama m\u00eb 16 mars 2022 si Kryetar i K\u00ebshillit Komb\u00ebtar t\u00eb Territorit.Leja \u00ebsht\u00eb dh\u00ebn\u00eb p\u00ebr kompanin\u00eb Adhenis, me pronar Artur Shehu, i p\u00ebrfaq\u00ebsuar nga Leonard Bishaj.<\/p>\n
Kjo vendimarrje tregon p\u00ebr fijet lidh\u00ebse dhe ndikimin e Shehut deri n\u00eb qeveri, ku p\u00ebrpos p\u00ebrfitimit t\u00eb tokave me letra t\u00eb diskutueshme, arrin edhe t\u00eb marr\u00eb leje p\u00ebr t\u00eb ngitur resorte n\u00eb det, objekt t\u00eb cilin as dy-tre oligark\u00ebt kryesor\u00eb nuk kan\u00eb fuqi t\u2019a arrijn\u00eb.<\/p>\n
Faktor\u00eb lokal\u00eb n\u00eb Vlor\u00eb e p\u00ebrshkruajn\u00eb Artur Shehun si biznesmen serioz, i larguar prej dy dekadash jasht\u00eb vendit.<\/p>\n
Por, n\u00ebse u referohemi disa investigimeve mediatike, Artur Shehu vizatohet si nj\u00eb personazh, t\u00eb cilit vet\u00ebm SPAK, q\u00eb ka mb\u00ebshtetjen e CIA-s dhe FBI, mund t\u2019i b\u00ebj\u00eb ball\u00eb, duke hapur dosjet se si qindra hektar\u00eb tok\u00eb p\u00ebrfunduan n\u00eb duart e tij.<\/p>\n
Investigimi i OCCRP-s\u00eb<\/p>\n
Nga Lindita \u00c7ela<\/p>\n
Nga banesa e tij me pamje nga laguna piktoreske e Nart\u00ebs n\u00eb jug t\u00eb Shqip\u00ebris\u00eb, 72-vje\u00e7ari Jorgaq Subashi mund t\u2019i hedh\u00eb nj\u00eb sy tok\u00ebs q\u00eb iu dha n\u00eb vitin 1993 si pjes\u00eb e p\u00ebrpjekjes s\u00eb qeveris\u00eb p\u00ebr t\u00eb kthyer pronat e kapura n\u00ebn sundimin komunist.<\/p>\n
Por ai nuk lejohet t\u00eb jetoj\u00eb n\u00eb t\u00eb.<\/p>\n
Pothuajse tre dekada pasi e fituan tok\u00ebn p\u00ebrs\u00ebri, Subashi dhe 34 bashk\u00ebfshatar\u00eb t\u00eb tij ende nuk i kan\u00eb marr\u00eb aktet e tyre t\u00eb pron\u00ebs. Ata mbeten t\u00eb bllokuar nga burokracia n\u00eb dukje e pandryshueshme, pavar\u00ebsisht se nj\u00eb gjykat\u00eb konfirmoi n\u00eb vitin 2012 se pronat e tyre ishin transferuar n\u00eb m\u00ebnyr\u00eb t\u00eb paligjshme n\u00eb nj\u00eb klan t\u00eb fuqish\u00ebm lokal t\u00eb lidhur me vjedhjen e pjes\u00ebve t\u00eb bregdetit jugor rreth qytetit t\u00eb Vlor\u00ebs.<\/p>\n
\u201cNe e dim\u00eb q\u00eb tokat na u mor\u00ebn nga kolektivizimi i bujq\u00ebsis\u00eb gjat\u00eb regjimit komunist.\u201d- tha Subashi. \u201cPas viteve \u201990-t\u00eb, shteti na i ktheu ato, por ne ende nuk mund t\u2019i regjistrojm\u00eb.\u201d<\/p>\n
Gjendja e v\u00ebshtir\u00eb e fshatar\u00ebve \u00ebsht\u00eb di\u00e7ka e zakonshme p\u00ebr kombin ballkanik, nj\u00eb nga vendet m\u00eb t\u00eb varfra n\u00eb Evrop\u00eb, ku p\u00ebrpjekjet p\u00ebr reform\u00ebn e tok\u00ebs jan\u00eb penguar nga keqmenaxhimi dhe korrupsioni. N\u00eb disa raste, procesi \u00ebsht\u00eb rr\u00ebmbyer nga gangster\u00eb t\u00eb dyshuar si Artur Shehu, i cili, s\u00eb bashku me disa nga an\u00ebtar\u00ebt e familjes s\u00eb tij, akuzohet se ka vjedhur gati 500 hektar\u00eb t\u00eb pasurive t\u00eb patundshme kryesore pran\u00eb Vlor\u00ebs.<\/p>\n